Project AKLAT #2: Mang Andoy's Signs

Thursday, July 30, 2015 24 Comments A+ a-

Sinimulan ng Nanay's Trip ang Project AKLAT (Ating Kultura Linangin, MagbuklAT, MagmulAT) noong 2014 kasabay ng pagdiriwang ng National Children's Book Day. Layunin ng proyektong ipakilala ang mga aklat pambata na nasa wikang Filipino at hikayatin ang mga magulang na basahin ang mga ito sa kanilang mga anak. Ang Barumbadong Bus, isang kuwento ni Rene O. Villanueva ang unang itinampok sa Project AKLAT.

IMG_4248

Para sa Project AKLAT#2 ng Nanay's Trip, hihimayin namin ang masayang karanasan ng aming pamilya sa pagbabasa ng aklat na Mang Andoy's SIGNS (kuwento ni: Mailin Paterno, Guhit ni: Isabel Roxas). Bilingual ang aklat pero nakasulat sa wikang Filipino ang mga karatula ni Mang Andoy.

IMG_4093

Madalas nasasanay sa pagbabasa ang mga bata sa mga karatulang nakikita nila sa kalsada. Natatandaan ko pa ang kuwento ni Tita Fe: sa tuwing nagbibiyahe kami, hindi nila ako maawat sa pagbabasa nang malakas ng lahat ng karatulang madadaanan namin. Ang tatay ko naman sinanay akong magbasa ng mga tatak ng patis, kendi, de lata at kung anu-ano pang mga produktong laman ng tindahan namin.

Kaya hindi kataka-takang kaming mag-asawa naman ang nakakarinig ng mga pagsusubok ni Rio na magbasa ng mga karatula sa daan.

[caption id="attachment_1495" align="aligncenter" width="363"]no parking tow away zone w truck-750x750 Ito ang paboritong road sign ni Rio habang binabaybay namin ang kahabaan ng Arnaiz Avenue[/caption]

Eksena #1 : No Parking, Tow Away Zone, Railroad Crossing

Sa tuwing magbibiyahe kami ni Rio, lalo na’t dyip at tren lang ang gusto niyang sakyan, inaabangan na niya ang mga karatula sa daan.

Ang mga karatulang patungkol sa mga sasakyan sa daan ang unang napansin niya dahil na rin sa hilig niya sa mga ito.

[caption id="attachment_1497" align="aligncenter" width="552"]IMG_3094 Hindi makakalimutan ni Rio ang Central Terminal dahil ito ang pinakamalaking istasyon ng LRT na narating niya :-)[/caption]

Eksena# 2 : Mga Karatula sa LRT (pangalan ng mga istasyon)

Sight words para kay Rio ang mga istasyong dinadaanan namin sa tuwing sumasakay kami sa tren. Inaabangan niya ang malalaking letrang nakapaskil sa bawat istasyon at inuunahan ang drayber ng tren sa pagbanggit kung  nasaang istasyon na kami.

Sa totoo lang, hanggang ngayon mental drill ko pa rin ang pag-isa-isa sa isip ko ng mga istasyon ng LRT! Mana-mana lang talaga!

Karatula sa kalsada, mapagmasid na bata 

Sa mga batang tulad ni Rio na apat na taong gulang, ang makukulay at buhay na buhay na mga ilustrasyon ni Isabel Roxas ang tiyak na makakakuha ng kanilang pansin habang binubuklat ang aklat. Totoong mga eksena sa kalsada ang makikita sa bawat pahina ng aklat. Totoong totoo rin ang mga karatulang gawa ni Mang Andoy sa nababasa’t nasasalubong natin sa daan araw-araw.

May isang pahina na inisa-isa ni Rio ang mga sasakyang nakaguhit. Makatotohanan ang mga ilustrasyon at parang nasa kahabaan lang kami ng Taft Avenue o sa mga iskinita ng Quiapo sa Maynila.

[caption id="attachment_1505" align="aligncenter" width="660"]Bus, jeep, delivery van, at iba pa Bus, jeep, delivery van, at iba pa[/caption]

Makakatulong ang aklat para mas mahikayat ang mga batang mas maging mapagmasid sa kanyang paligid at magtanong ng mga bagay na bago sa kanilang paningin.

“Nanay, sino ang gumagawa ng mga karatula?”

[caption id="attachment_1498" align="aligncenter" width="552"]IMG_3507 Pinanood ni Rio ang isang manggagawang naghahanda ng karatula para sa rally.[/caption]

Sa panahon nagkalat ang mga billboard na tarpaulin sa kalsada, napakagandang maipakilala sa kasalukuyang henerasyon ang malikhain at mahuhusay na mga alagad ng sining na tulad nina Mang Andoy.

Panoorin ang dokumentaryong ito na itinampok ang mga jeepney signboard painters. Pakinggan si Mang Ipe at alamin kung bakit sa kanyang pananaw ay “endangered species” na ang mga pintor na tulad niya.

[embed]https://www.youtube.com/watch?v=mQHsVwtGXPk[/embed]

Hindi man natin makikita ang mga obra nina Mang Andoy at Mang Ipe sa mga museo o kaya’y nakasabit sa magagarang mansyon, binubusog naman nila ang ating mga mata araw-araw. Laman ng lansangan ang kanilang sining, mga karatulang nagdadala sa atin sa nais nating puntahan o kaya naman nagpapaalala sa atin ng tamang-asal sa lansangan.

[caption id="attachment_1500" align="aligncenter" width="375"]images photo credit: gmanetwork.com[/caption]

Mulat na pagsunod

Bukod sa ilustrasyon, ang puso ng kuwentong ito ay nasa mensaheng nais nitong iparating sa mga mambabasa. Mahalagang pagtuunan ng pansin kung paano ang paraan ng pag-uutos at hindi lang kung ano ang inuutos.  Ayon kay Mailin Paterno, ang sumulat ng kuwento, mas epektibo ang mga utos kung ito ay nauunawaan at hindi bulag na sinusunod lang ng mga tao.  Maaring basahin ang interbyu kay Paterno sa blog ng Tahanan Books.

[caption id="attachment_1506" align="aligncenter" width="660"]Luisa : Lolo, galit ba sa atin ang Alkalde? Luisa : Lolo, galit ba sa atin ang Alkalde?[/caption]

Maganda ring pansinin na si Luisa, ang batang babaeng apo ni Mang Andoy, ang nakapansin sa nilalaman ng mga karatula. "Galit ba sa atin ang Alkalde?". Sensitibo ang mga bata sa kung paano natin ipinararating ang ating mga mensahe. Hangga't maaari sinisikap nating mas maging positibo ang pamamaraan ng ating pag-uutos, pagpapaalala o pagsaway sa ating mga anak. Kaysa sangkatutak na "huwag kang aakyat" o "huwag kang iiyak" ang sabihin natin sa kanila, mas mainam na ipaliwanag sa kanila kung ano ang maaaring mangyari kung aakyat sila sa mataas na hagdan o iiyak nang malakas.

Hindi lang pambata, pampamilya pa!

Inspirasyon ang aklat na ito sa mga magulang na mambabasa para paalalahanan na mas nagiging epektibo ang ating mga “house rules” o utos sa ating mga anak kung naipapaliwanag natin ang mga ito sa kanila sa maayos, mahinahon at mas positibong pamamaraan.

Kung may idadagdag ako sa kuwento, ito ay ang pagpapaliwanag sana ng alkalde sa taumbayan ng kahalagahan at kadahilanan sa likod ng mga batas na dapat nilang sundin. Mas nagiging bukas-loob, kusa at mulat kasi ang pagsunod sa mga batas kung alam ng bawat isa ang dahilan sa likod ng mga ito. Dito ang tamang tawiran dahil mas ligtas ang lugar na ito. Dito ang tamang pila para bumili ng tiket para maging maayos ang daloy ng mga pasahero sa istasyon.

Mga Karatula nina Rio at Nanay

Panghuli, ginawa rin naming art activity para sa aming preschool homeschool lesson  ang paggawa ng mga karatula. Narito ang naging mga resulta:

IMG_4114

IMG_4117

IMG_4124

Maraming salamat sa Tahanan Books, para sa aming kopya ng Mang Andoy Signs. Mabibili ang aklat sa mga branches ng National Book Store. Maaari ring bisitahin ang Facebook page ng Tahanan Books at kanilang website para sa iba pa nilang aklat.

24 comments

Write comments
pinaymomslife
AUTHOR
July 31, 2015 at 1:18 AM delete

I admire your blog. I always wanted to write in our native language but unfortunately it is really challenging for me to do so. I hope someday I will be able to. Project Aklat is a good project hopefully you will be able to reach a lot of people . Keep it up.

Reply
avatar
celin mendoza
AUTHOR
July 31, 2015 at 1:38 AM delete

Reading in the street is a really good exercise for the kids. Will try this for my children. Thank you for sharing! Mang Andoy's Signs looks very interesting.

Reply
avatar
nanaystrip
AUTHOR
July 31, 2015 at 2:18 AM delete

Salamat! I'll try my best to pursue Project AKLAT this year. Sana nga may 1-2 entries ako every month para dito. Salamat sa pagdalaw sa ating munting nanay tambayan! :-)

Reply
avatar
nanaystrip
AUTHOR
July 31, 2015 at 2:23 AM delete

Kids love reading street signs. Kakatuwang pakinggan ang pagbasa nila. You'll be amazed on how they try their best to read or identify the letters they see on the road. Hope you can get a copy of Mang Andoy's signs. Great story and pictures! Thanks for dropping by!

Reply
avatar
Cheanne
AUTHOR
July 31, 2015 at 5:21 PM delete

We also read the signs when we're on the road, especially when stuck in traffic. We do tend to focus on the letters and numbers though. I think I'll move on to reading the actual signs next time.

Reply
avatar
coiibanez
AUTHOR
August 1, 2015 at 5:55 AM delete

I think same publication lang 'to with the book, "Og Uhog"? Correct me if im wrong. :) Tumatak talaga sa isip ko yung book na "Og Uhog" because of it's title and nakakatuwa naman talaga yung story just like this one, may aral.:) And also it's illustrations. Anyway, nung bata rin ako, ganyan ako, nagbabasa ng mga signs sa kalye and minsan paunahan pa pag kasama ko mga kaibigan ko, nakakatuwa balikan yun mga ganun panahon :)

Reply
avatar
jinoe
AUTHOR
August 1, 2015 at 12:20 PM delete

Wow. Sarap naman ang trip ni Nanay at Rio. :D

Reply
avatar
nanaystrip
AUTHOR
August 1, 2015 at 3:07 PM delete

Instant reading and math lessons when we're stuck in traffic! Colors of cars, different types of vehicles and a lot more. We look for ways to beat traffic stress and boredom. Thanks for dropping by.

Reply
avatar
nanaystrip
AUTHOR
August 1, 2015 at 3:10 PM delete

Mukhang interesting ang "Ug Uhog" a. It was published by Lampara Books according to Google. :) Kami, ang laro namin sa daan dati ay ang pagbibigay ng meaning sa bawat titik sa plate number. Halimbawa, QRT 123 ( Quick Reaction Team), hehehe. Salamat sa pagdalaw sa ating tambayan!

Reply
avatar
nanaystrip
AUTHOR
August 1, 2015 at 3:11 PM delete

Uy, Daddy Jinoe! Salamat sa pagdaan sa aming tambayan. Balik ka!

Reply
avatar
Maan Laxa
AUTHOR
August 2, 2015 at 3:27 PM delete

Ang ganda ganda! Gusto ko ngang simulan bilhan si Yuri ng mga aklat na Filipino para mahasa sya. Filipino ang gamit naming salita (usually) pero mas na-rerecognize nya ang English words. Ang saya lang ni Rio!

(Please pardon my Tagalog. Nagmamahal, Bisaya-Tagalog hybrid.)

Reply
avatar
August 2, 2015 at 5:17 PM delete

This is a nice way to teach kids about signs :)

Reply
avatar
Donna
AUTHOR
August 3, 2015 at 7:24 AM delete

Nice, Nanay :) ang galing! keep it up! ako po, sinisimulan ko narin i-incorporate sa informal na homeschooling namin ng anak ko ung Filipino. Para she can speak both in English at Filipino rin.

Reply
avatar
Kat Rodriguez
AUTHOR
August 3, 2015 at 2:55 PM delete

That's a nice book. At yung art activity nyo, impressive, enjoy ang kiddo for sure.

Reply
avatar
nanaystrip
AUTHOR
August 3, 2015 at 6:01 PM delete

May ilan na rin kaming aklat pambatang nakasulat sa wikang Filipino sa aming koleksyon pero ilan pa lang dito ang ineenjoy ni Rio. Sana mas dumalas pa ang pagbabasa namin sa mga aklat na ito para masanay magsalita sa Filipino si Rio. Kumusta ang pagsasalita ni Yuri sa wikang Filipino? :-)

Reply
avatar
nanaystrip
AUTHOR
August 3, 2015 at 6:01 PM delete

Salamat sa pagdalaw at pagbasa!

Reply
avatar
nanaystrip
AUTHOR
August 3, 2015 at 6:04 PM delete

Salamat! Nagsisimula na rin kami magbasa ng mga salita sa Filipino. Mas ito nga ang naituturo ko kay Rio ngayon pero alam mo na, mas laro pa rin ang primary activity nila sa ganitong edad. Hinay hinay lang din kami sa pag-aaral nang pormal. Salamat sa pagdalaw at pag-iwan ng komento!

Reply
avatar
nanaystrip
AUTHOR
August 3, 2015 at 6:05 PM delete

Maganda ang aklat na ito para sa mga batang nagsisimulang magmasid sa daan at paligid. Panalo ang artwork ni Mang Andoy lalo na ang mensaheng nakasulat dito. Salamat sa pagdalaw at pagbasa!

Reply
avatar
Rose Angelie
AUTHOR
August 3, 2015 at 6:37 PM delete

Ang galing naman! Matapos kong basahin ay parang hindi ko na kayang mag Inglis dito sa commento. Hehehe Sa totoo lang, hindi ako sanay sa ating wika, bisaya kasi yung main language dito sa Cebu kaya challenging talaga magsalita (at magbasa) ng Filipino. Magandang makabasa ng mga ganito at ibalik o pasikatin muli ang Filipino literature, kasi hindi na nagiging common ito sa ating mga sulatin. :)

Reply
avatar
vyjae
AUTHOR
August 4, 2015 at 4:18 AM delete

Nice book. And this is a good pointer for teaching children how to read... thank you for this post sis.. learned something new today.

Reply
avatar
August 4, 2015 at 5:28 AM delete

Salamat Nanay para sa magandang Review. Bibilihan ko si Q at Z nito para kahit na hindi kami madalas lumabas o mag commute mulat sila sa nangyayare sa paligid. Pero iba parin ang aktwal.

Reply
avatar
mrsmartinezsweetie
AUTHOR
August 4, 2015 at 10:30 PM delete

Excited na ako na turuan magbasa ang aking 3 year old daughter! Para ma experience ko din ang bonding na nararanasan niyo now.

Xoxo
MrsMartinez

Reply
avatar
Maan Laxa
AUTHOR
August 5, 2015 at 10:50 AM delete

Primary language nya talaga ang Filipino, ngayon lang sya natututong mag-English. Na-pressure lang kasi di sila magkaintindihan ng mga kalaro nya :P

Reply
avatar
Josephine
AUTHOR
September 6, 2015 at 11:16 AM delete

I remember my childhood days, binabasa ko rin every road signs na madaanan namin! And this is also true with my daughters, especially when they are still starting to read. :)

Reply
avatar